Goa Liquor Seized: पुण्यात गोवा बनावटीची दारू जप्त; तिघेजण पोलिसांच्या ताब्यात

Goa Made Liquor Seized in Pune

पुण्यात गोवा बनावटीची दारू जप्त करण्यात आली आहे. एका लक्झरी बसमधून ही अवैध मद्यवाहतूक करण्यात येत होती. याबाबत माहिती मिळताच राज्य उत्पादन शुल्क पथकाने कात्रज परिसरात बसला थांबवत त्यामधून मद्याच्या बॉटल्स ताब्यात घेतल्या आहेत.

माहितीनुसार, या छाप्यात तब्बल 42,90,000 रुपयांचा मुद्देमाल जप्त करण्यात आला आहे. दरम्यान, यामध्ये तिघाजणांना ताब्यात घेण्यात आले असल्याची माहिती अधिकाऱ्यांनी दिली.

या अवैध मद्य वाहतुकीची गुप्त माहिती अधिकाऱ्यांना मिळाली होती. यानंतर पोलीस निरीक्षक एस. एल. पाटील यांच्या पथकाने कात्रज परिसरात संशयित वाहने तपासायला सुरुवात केली.

यामध्ये एका लक्झरी बसला ताब्यात घेत त्यातील गोवा बनावटीची तब्बल 42,90,000 लाखांची दारू पोलिसांनी जप्त केली आहे. यामध्ये गणेश चव्हाण (50, सिंधुदुर्ग), अक्षय जाधव (32), उमेश चव्हाण (37,सिंधुदुर्ग) या तिघांना पोलिसांनी ताब्यात घेतले असून पुढील तपास सुरू आहे.