राष्ट्रीय महामार्ग क्रमांक 66 वर न्हयबाग-पोरस्कडे येथे एका ट्रकचा (GA 04 T 3883) अपघात झाला. नियंत्रण सुटल्याने ट्रक डिव्हायडरवर गेला आणि तिथेच अडकून बसला. येथे पथदिवे नसल्याने अंधाराचे साम्राज्य आहे. अपघातात कुणीही जखमी झालेले नाही. ट्रकचे मात्र नुकसान झाले आहे.
मुख्यमंत्री डॉ. प्रमोद सावंत हे आज, शनिवारी त्यांचा मतदारसंघ असलेल्या साखळीमध्ये होते. त्यांनी तिथे राज्यभरातून आलेल्या लोकांच्या समस्या ऐकल्या. ज्यांची सोडवणूक लगेच शक्य आहे तिथे संबंधितांना त्यांनी लगेचच तशा पद्धतीच्या सूचना केल्या.
कोलवाळ मध्यवती कारागृहात सुरक्षा रक्षकाकडून तंबाखूजन्य पदार्थ तस्करीचा प्रकार उघडकीस आल्याचे समोर येत आहे. संशयित शिवराम असे सुरक्षा रक्षकाचे नाव आहे. तो आयआरबीचा सुरक्षा कर्मचारी आहे.
गोव्यासाठीचे लोकसभा विस्तारक सुनील कर्जतकर शनिवारी गोव्यात दाखल झाले. मनोहर आंतरराष्ट्रीय विमानतळावर दयानंद सोपटे यांनी त्यांचे स्वागत केले.
देश पातळीवर सायबर गुन्ह्यांमध्ये वाढ झाली आहे. या पार्श्वभूमीवर नवी दिल्लीच्या One97 कम्युनिकेशन्स लिमिटेड (Paytm) यांच्या सहकार्याने रायबंदर येथील सायबर गुन्हे शाखेतर्फे सायबर क्राईम आर्थिक फसवणुकीशी संबंधित कायद्याची अंमलबजावणी करणार्‍या गोवा पोलीस अधिकार्‍यांसाठी एक संवादात्मक कार्यशाळा आयोजित करण्यात आली होती.
माटवे-दाबोळी येथील विहिरींतील पाण्याने पेट घेतल्याचा धक्कादायक प्रकार समोर आला होता. त्यानंतर विहिरींमध्ये ज्वलनशील पेट्रोलियम पदार्थ असल्याचे आढळले.
याबाबत पंचायत सदस्य नीलम नाईक यांनी काल (शुक्रवारी) अज्ञात व्यक्तींविरुद्ध पेट्रोलियम पदार्थांनी विहीर दूषित करून जीवित व मालमत्ता धोक्यात आणल्याप्रकरणी तक्रार दाखल केली आहे.
गोव्यात रोजगारासाठी घरातून बाहेर पडलेल्या युवकाचा मृतदेह गोरखपूर रेल्वे स्थानकावर आढळून आला. श्रावण निषाद असे या तरुणाचे नाव असून, तो दोन मित्रांसोबत कामानिमित्त गोव्यात येण्यासाठी निघाला होता. पण, गोव्याकडे निघण्यापूर्वी त्याचा गोरखपूर रेल्वे स्थानकावर आढळून आल्याने खळबळ निर्माण झाली.
हडफडे येथे भीषण अपघात झाला असून, तीन जणांचा जागीच मृत्यू झाला आहे. पहाटे तीनच्या सुमारास हा अपघात झाल्याचे समोर आले आहे. धरधाव कार दुसऱ्या चारचाकीला धडकल्याने हा अपघात झाल्याची माहिती स्थानिक आणि प्रत्यक्षदर्शी यांनी दिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.