पणजी: गेल्या अनेक दिवसापासून अनेकांना आंतराष्ट्रीय चित्रपट महोत्सवाची ओढ लागून होती आणि आता बुधवारी (20 नोव्हेंबर) रोजी डॉ. शामाप्रसाद मुखर्जी मैदानावर इफ्फीचे उद्घाटन होणार आहे. गोवा 2004 पासून इफ्फीच्या यजमान पदावर आहे आणि यंदाच्या वर्षी या सोहळयाला आणखीन रंजक आणि आकर्षक बनवण्यासाठी गोवा सरकार तसेच समितीने प्रयत्न केले आहेत.
ऑस्ट्रेलियन चित्रपट निर्माते मायकेल ग्रेसी यांनी दिग्दर्शित केलेल्या द बेटर मॅनसह 180 आंतरराष्ट्रीय चित्रपटांसह 101 देशांतील तब्बल 270 चित्रपट महोत्सवाच्या दरम्यान प्रदर्शित केले जाणार आहेत. यंदा ऑस्ट्रेलिया या देशाची निवड कंट्री ऑफ फोकस म्हणून करण्यात आली आहे, तसेच ऑस्ट्रेलियाचे अनुभवी दिग्दर्शक फिलिप नॉयस यांना त्यांच्या जीवनभराच्या चित्रपटांच्या प्रवासासाठी सत्यजित रे जीवनगौरव पुरस्काराने सन्मानित केले जाणार आहे.
गोव्यात होणाऱ्या हा आंतरराष्ट्रीय चित्रपट महोत्सवाचा कार्यक्रम गोवा एंटरटेनमेंट सोसायटी, नेशनल फिल्म डेव्हलोपमेंट कॉर्पोरेशन आणि माहिती आणि प्रसारण मंत्रालय एकत्र येऊन आयोजित करतात. यावर्षी इफ्फीच्या माध्यमातून तरुणांना चित्रपट निर्मीतीचे अधिकाधिक ज्ञान मिळावे म्हणून विशेष उपक्रमांचे आयोजन करण्यात आले आहे.
चित्रपट महोत्सवाचे यजमानपद गोव्याजवळ असल्याने गोव्यातील 14 कलाकृती दरम्यान सादर केल्या जाणार आहेत. इंडियन पॅनोरमा विभागात यंदा रणदीप हुड्डाच्या स्वातंत्र्य वीर सावरकर या चित्रपटाने एकूण सोहळ्याची सुरुवात होईल. बाकी, घर जैसा कुछ यासह इतर 45 भारतीय चित्रपट इफ्फीमध्ये दाखवले जाणार आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.