Independence Day 2023: स्वातंत्र्य दिनाच्या पार्श्‍वभूमीवर ‘हर घर तिरंगा’ मोहिमेअंतर्गत प्रत्येकाने सोशल मीडिया अकाऊंटचे डीपी बदलून भारताचा तिरंगा ठेवावा.
त्यामुळे देश आणि आपल्यातील बंध अधिक घट्ट होतील, असे आवाहन पंतप्रधान नरेंद्र मोदी यांनी ट्विटरद्वारे केले आहे.
त्याला राज्यातून मोठा प्रतिसाद मिळत असून मुख्यमंत्र्यांसह मंत्री, आमदार, राजकीय नेते आणि कार्यकर्त्यांनी आपल्या अकाऊंटचे डीपी आणि ‘स्टेटस’वर तिरंगा झळकवला.
नागरिकांच्या मनात देशभक्तीची भावना अधिक दृढ करण्यासाठी केंद्र सरकारने यंदाही ‘हर घर तिरंगा’ मोहीम राबवली आहे. रविवारपासून १५ ऑगस्टपर्यंत आपल्या घरासमोर राष्ट्रध्वज उभा करण्याचे आवाहन नागरिकांना केले आहे.
घरोघरी फडकवा राष्ट्रध्वज !
स्वातंत्र्य दिनानिमित्त भारत सरकारने गेल्यावर्षी स्वातंत्र्याचा अमृत महोत्सव साजरा करण्याची घोषणा केली. हर घर तिरंगा अभियान हा स्वातंत्र्य दिनाच्या उत्सवाचा एक भाग आहे.
गेल्या वर्षी २२ जुलै २०२२ रोजी पंतप्रधान नरेंद्र मोदी यांनी हे अभियान सुरू केले होते. या अभियानांतर्गत पंतप्रधान मोदींनी लोकांना घरोघरी तिरंगा फडकवण्याचे आवाहन केले होते.
आवाहनाला तत्काळ प्रतिसाद
या आवाहनाला प्रतिसाद देत मुख्यमंत्री डॉ. प्रमोद सावंत यांच्यासह मंत्री रोहन खंवटे, विश्‍वजीत राणे, आमदार दिव्या राणे, खासदार सदानंद शेट तानावडे यांच्यासह अनेक मंत्री, आमदारांनी आपले सोशल मीडिया अकाऊंटवरील डीपी आणि स्टेटसवर तिरंगा झळकवला. त्यानंतर कार्यकर्त्यांनीही त्याचे अनुकरण केले.
स्वातंत्र्यसैनिक, सैन्य दलातील अधिकारी आणि जवानांनी केलेल्या त्यागाचे स्मरण व्हावे, यासाठी हर घर तिरंगा मोहीम राबवण्यात येत आहे. याअंतर्गत नागरिकांनी आजपासून आपल्या घरावर तिरंगा फडकवावा आणि त्याचा सेल्फी ‘हर घर तिरंगा डॉट कॉम’वर अपलोड करावा.
डॉ. प्रमोद सावंत, मुख्यमंत्री.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.