Goa IFFI 2022: फिल्म फेस्टिव्हल राहिला बाजुला; यामी गौतम चर्चच्या वाटेला

Goa IFFI 2022: आकर्षक लाल साडीतील यामी गौतम काल 53व्या इफ्‍फीच्या रेड कार्पेटवर अवतरली आणि अनेकांची मने जिंकत म्हणाली, चांगली स्क्रिप्ट आल्यास तिला गोव्यात शूट करायला आवडेल. मला गोव्यातील समुद्रकिनाऱ्यांपेक्षा चर्च पाहायचे आहेत, गल्ल्या बघायचा आहेत.

आकर्षक लाल साडी परिधान करून भारतीय अभिनेत्री यामी गौतम हिने अनिरुद्ध रॉय चौधरी दिग्दर्शित ‘लॉस्ट’ या चित्रपटाच्या आशिया प्रीमियरमध्ये 53व्या आंतरराष्ट्रीय चित्रपट महोत्सवात प्रथमच प्रवेश केला. लॉस्टमध्ये मुख्य भूमिकेत असलेल्या यामीने या चित्रपटात काम करण्याचा अनुभव शेअर केला.

ती म्हणाली की, जेव्हा एखाद्या अभिनेत्याला माहित असते की तो कोणत्या प्रकारचा चित्रपट सादर करणार आहे, तेव्हा आत्मविश्वास आपोआप येतो. पहिला अनुभव हा बऱ्याचदा खास अनुभव असतो. मी फक्त ऐकले होते की इफ्फी मजेदार होता, पण आता तो अनुभवत आहे. रेड कार्पेटची मजा तर काही औरच आहे.