Goa Hindon Flight: गोवा ते हिंडन थेट विमानसेवा मार्चपासून सुरु होणार; वेळापत्रक, तिकिटदर जाणून घ्या

पणजी: आता दिल्लीला जाण्यासाठी पर्यायी हवाई मार्ग उपलब्ध करण्याचे एअर इंडियाने ठरविले आहे. गोवा ते हिंडन या हवाई मार्गावर एक मार्चपासून एअर इंडिया विमानसेवा सुरू करण्यात येणार आहे. राष्ट्रीय राजधानी विभागात दिल्लीलगत गाझियाबाद येथे हिंडन येथे विमानतळ आहे.

एअर इंडियाने प्रसिद्ध केलेल्या माहितीनुसार, हिंडन विमानतळावरुन देशातील तीन प्रमुख ठिकाणांना थेट विमानसेवा सुरु केली जाणार आहे. यामध्ये बंगळुरु, गोवा आणि कोलकाता या यांचा समावेश आहे. महत्वाची बाब म्हणजे एक दिवस वगळता सर्व ठिकाणांवर दररोज ही सेवा सुरु राहणार आहे. ०१ मार्चपासून विमानसेवा नियमित सुरु होणार आहे.

असे आहे वेळापत्रक

हिंडन ते बंगळुरु - ३.४५ मिनिटांनी सुटणार ६.४० वाजता पोहोचणार.

बंगळुरु ते हिंडन - १२.४० वाजता सुटणार आणि सव्वा तीन वाजता पोहोचणार.

गोवा - हिंडन - गोवा (Goa - Hindon - Goa) 

हिंडन ते गोवा- सकाळी साडे दहा वाजता सुटणार आणि दुपारी सव्वा एक वाजता पोहोचणार.

गोवा ते हिंडन - दुपारी दोन वाजता सुटणार आणि ४ वाजून ४० मिनिटांनी पोहोचणार

हिंडन ते कोलकाता- ५.२० वाजता सुटणार आणि सायंकाळी ७. ४० वाजता पोहोचणार.

कोलकाता ते हिंडन - सकाळी ७.१० मिनिटांनी सुटणार सकाळी साडे नऊ वाजता पोहोचणार.

असे असतील तिकिटदर (Ticket Rate)

हिंडन ते बंगळुरु - ६,२००

बंगळुरु ते हिंडन - ६,०००

हिंडन ते गोवा- ४,९००

गोवा ते हिंडन - ४,९००

हिंडन ते कोलकाता- ४,४००

कोलकाता ते हिंडन - ५,५००

या विमानसेवेसाठी तिकिट बुकिंग सुरु झाले असून, प्रवाशांना ऑनलाईन पद्धतीने बुकिंग करता येईल किंवा एअर इंडिया एक्सप्रेस च्या या संकेतस्थळावर बुकिंग करता येईल.