पणजी: गोव्यात समुद्रकिनारी नयनरम्य निसर्गाच्या साक्षीने लग्नगाठ बांधण्याची अनेकांची इच्छा असते. पावसाळा संपताच गोव्यातील विविध समुद्रकिनाऱ्यांवर लग्नासाठी गोवा पर्यटन खात्याकडे अर्ज दाखल व्हायला सुरुवात होतात. पण, आता गोव्यात Beach Wedding महागलं असून, विवाह इच्छुकांच्या खिशाला झळ बसणार आहे.
गोव्यात समुद्रकिनारी विवाहसोहळ्यांसाठी परवानगी मागणाऱ्या अर्जांची संख्या वाढली आहे. असे असताना गोवा कोस्टल झोन मॅनेजमेंट अथॉरिटी (GCZMA) ने Beach Wedding च्या शुल्कात वाढ केली आहे. GCZMA च्या वतीने प्रतिदिन 1 लाख रुपये शुल्क आकारण्याचा करण्याचा निर्णय घेतला आहे.
नवीन दर केवळ लग्नसोहळ्याच नव्हे तर गोव्याच्या समुद्रकिनाऱ्यांवर आयोजित सर्व खाजगी कार्यक्रमांना लागू असतील.
दरम्यान, सरकारी आणि स्वायत्त संस्था, धर्मादाय ट्रस्ट, शाळा आणि क्रीडा इव्हेंटसाठी शुल्कात 75% सवलत देण्यात आली आहे.
डिसेंबर आणि जानेवारीमध्ये, बीच पार्टी आणि विवाहसोहळ्यांसाठी परवानगी मागणाऱ्या अर्जांची संख्या GCZMA किनारी नियमन क्षेत्राच्या उल्लंघनाच्या प्रकरणांपेक्षा जास्त आहे.
नवीन दरात बांधकाम परवानग्यांचा देखील समावेश आहे. GCZMA किनारपट्टी भागात सांडपाणी प्रक्रिया प्रकल्पाच्या बांधकामाला मंजुरी देण्यासाठी 1 लाख रुपये आकारेल. GCZMA ने प्रथमच होर्डिंग्जच्या परवानगी शुल्काचा देखील यात समावेश केला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.