Illegal Construction: माजी नगरसेवकासह मुख्य अधिकाऱ्यांना नोटीस, कुंकळ्ळीत बेकायदेशीर बांधकाम प्रकरण; शेतजमिनीत दोन बंगले

पणजी: कुंकळ्ळी येथील शेतजमिनीत बेकायदेशीररीत्या दोन बंगले बांधल्याप्रकरणी मुंबई उच्च न्यायालयाच्या गोवा खंडपीठाने कुंकळ्ळी नगरपालिकेचे माजी नगरसेवक शशांक देसाई व त्यांचे भाऊ प्रदीप देसाई आणि नगरपालिकेच्या मुख्य अधिकाऱ्यांना नोटीस बजावली आहे.

सामाजिक कार्यकर्ते अविनाश तवारेस यांनी ही जनहित याचिका दाखल केली आहे. वेरोडा (प्रभाग २) येथील बागायती जमिनीवर कोणतेही जागेचे रूपांतर न करता दोन बंगले बांधले आहेत.

तसेच हे बांधकाम करताना नगरपालिका किंवा नगर नियोजन खात्याची कोणतीही तांत्रिक मंजुरी घेतलेली नाही आणि शशांक देसाई यांनी आपल्या पदाचा आणि राजकीय प्रभावाचा वापर करून प्रशासनाला कारवाई करण्यापासून रोखले, असा आरोपही याचिकेतून करण्यात आला आहे.

प्रशासनाकडून दुर्लक्ष

स्थानिक रहिवासी गुरुदास बोरकर हे २०१८ पासून या बांधकामाविरोधात तक्रार करत असल्याचे याचिकेत नमूद करण्यात आले आहे. मात्र, प्रशासनाने आजवर कोणतीही ठोस कारवाई केली नाही.

माहिती अधिकारांतर्गत मिळालेल्या माहितीनुसार, या बांधकामासाठी कोणतीही अधिकृत परवानगी देण्यात आलेली नाही, हे देखील स्पष्ट झाल्याचे याचिकेत स्पष्ट करण्यात आले आहे. डिसेंबर २०२५ मध्ये कायदेशीर नोटीस बजावूनही नगरपालिका व संबंधित खात्यांनी दुर्लक्ष केल्याचा दावा याचिकाकर्त्याने केला आहे.

प्रशासनाकडून दुर्लक्ष

स्थानिक रहिवासी गुरुदास बोरकर हे २०१८ पासून या बांधकामाविरोधात तक्रार करत असल्याचे याचिकेत नमूद करण्यात आले आहे. मात्र, प्रशासनाने आजवर कोणतीही ठोस कारवाई केली नाही.

माहिती अधिकारांतर्गत मिळालेल्या माहितीनुसार, या बांधकामासाठी कोणतीही अधिकृत परवानगी देण्यात आलेली नाही, हे देखील स्पष्ट झाल्याचे याचिकेत स्पष्ट करण्यात आले आहे. डिसेंबर २०२५ मध्ये कायदेशीर नोटीस बजावूनही नगरपालिका व संबंधित खात्यांनी दुर्लक्ष केल्याचा दावा याचिकाकर्त्याने केला आहे.