Goa: मुसळधार पावसाचा जोर अधिक; केपेत कुशावती नदीला पूर

केपे: गेल्या दोन दिवसांपासून पावसाने जोरदार हजेरी वलावली असल्याने राज्यातील नदयामध्ये पुरसदृश परिस्थिती निर्माण झाली आहे. केपेतून (Cape) वाहणारी कुशावती नदीला (Kushavati River) ही पूर आला असून पाऊस असाच सुरू राहिल्यास आज पारोडा पूल पाण्याखाली जाऊ शकतो.

राज्याला पावसाने जोरदार झोडपले असून सर्वत्र पाणी साचल्याने सामान्य लोकांना याचा बराच फटका बसला आहे. दोन दिवस सतत पडणाऱ्या पावसामुळे कुशावती नदीला पूर आला असून पाऊस असाच सुरू राहिल्यास दर वर्षीप्रमाणे पारोडा येथील पूल व मडगाव(Madgaon) कुडचडेला जोडणारा मुख्य रस्ता पाण्याखाली जाणार आहे. गेल्या अनेक वर्ष्यात कुशावती नदीत साचलेला गाळ व मोठ्या प्रमाणात वाढलेली झाडे काढली नसल्याने पावसात या नदीकाठी राहणाऱ्या लोकांना जास्त त्रास होतो.वेळोवेळी लोकांनी या संबंधी मागणी करून सुद्धा संबधित खात्याने या कडे दुर्लक्ष केले असल्याचे लोकांनी सांगितले.