Goa Rain: सत्तरी तालुक्यात जो शुक्रवारी केवळ दोन ते तीन तासांत 111 मी.मी. पाऊस बरसला, अशा प्रकारची परिस्थिती राज्यात पहिल्यांदाच घडलेली नाही. गेल्या काही वर्षांती ऑक्टोबरमधील पावसाचा आढावा घेतला असता, असे जाणवते की अशा प्रकारे अनेकदा बरसात झालेली आहे. परंतु सत्तरी आणि पेडणे या दोन तालुक्यांमध्ये अशा प्रकारे ऑक्टोबर महिन्यात पाऊस पडण्याच्या घटना अधिक झाल्याचे दिसून येते.
गोवा वेधशाळेचे वैज्ञानिक एम.राहुल म्हणाले, ‘सत्तरी आणि पेडणे तालुक्यांचा विचार करता या तालुक्यांना घाट जवळ आहे. जेव्हा-जेव्हा अशा प्रकारचा पाऊस बरसला त्यावेळीचे एक प्रमुख कारण म्हणजे तापमान वाढ, हे देखील आहे. त्यामुळे अशा प्रकारच्या घटना पूर्वी देखील घडल्या आहेत.
सर्वाधिक नोंद
आतापर्यंतच्या माहितीनुसार, 9 ऑक्टोबर 1952 रोजी एका दिवसांत 354 मि.मी एवढ्या पावसाची नोंद झाली होती. जी ऑक्टोबरमध्ये केवळ 24 तासांत सर्वाधिक पडलेल्या पावसाची नोंद आहे. याचे नेमके कारण अस्पष्ट आहे.
ऑक्टोबरमधील एका दिवसातील पाऊस: 7-10-2021 (177) पणजी, 11-10-2020 (80) पेडणे, 26-10-2019 (220) पेडणे, 9-10-2018 (78) फोंडा, 10-10-2017 (112) पेडणे, 10-10-2016 (86) वाळपई मी.मी पाऊसाची नोंद झाली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
