Vishwajit Rane: राज्यात आणखी 25 नवीन १०८ रूग्णवाहिका उपलब्ध करून देणार आहे, अशी माहिती आरोग्यमंत्री विश्वजीत राणे यांनी दिली. सध्या राज्यात एकूण 56 एवढ्या 108 रुग्णवाहिका आहेत. पण त्या अपुऱ्या पडताहेत.
त्यामुळे आणखीन 25 नव्या 108 रुग्णवाहिका आणणार आहोत, असे आरोग्य मंत्री विश्वजीत राणे म्हणाले.
दोन दिवसांपूर्वी बोर्डे डिचोलीत झालेल्या अपघातात एकाचा मृत्यू झाला होता. त्या ठिकाणी 108 रूग्णवाहिका अर्धा तास उशिरा पोचली होती. जर रूग्णवाहिका वेळेत पोहचली असती तर कदाचित जीव वाचू शकला असता. याबाबत गोमन्तक टीव्हीने वृत्त प्रसारित केले होते.
दरम्यान, १०८ रूग्णवाहिकांनी राज्यात अपघात आणि इतर आणीबाणींच्या घटनांमध्ये चांगली कामगिरी पार पाडली आहे. या रूग्णवाहिकेमुळे अनेक अपघातग्रस्तांचे जीव वाचले आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
