Vishwajit Rane: गोवा सरकारने नवजात बालकांसाठी एक महत्वाचे पाऊल उचचले आहे. त्यानुसार आता गोव्यात सरकारी रूग्णालयात जन्माला येणाऱ्या बालकांवर 72 तासांमध्ये 5 आजारांच्या तसेच 46 विकारांच्या तपासणीसाठी चाचण्या करण्यात येणार आहेत.
राज्याचे आरोग्यमंत्री विश्वजित राणे यांनी रविवारी ही माहिती दिली. मंत्री राणे यांनी सोशल मीडिया पोस्टमध्ये म्हटले आहे की, या नवीन उपक्रमासाठी निविदा जारी करण्यात आली आहे.
मंत्री राणे यांनी म्हटले आहे की, या तपासणीमुळे नवजात बाळाच्या वाढीतील अडथळे दूर होतील. त्याला हानी पोहोचवणारी परिस्थिती आधीच लक्षात येईल.
आरोग्यदायी राज्य निर्माण करण्याच्या आपल्या मिशनमध्ये सावधगिरीचे उपाय आवश्यक आहेत. त्याचाच एक भाग म्हणून यापुढे राज्यात हा उपक्रम राबवला जाणार आहे.
या तपासणीत 5 आजार आणि इतर 46 विकार शोधले जातील आणि जन्मानंतर पुढील 72 तासांत या चाचण्या केल्या जातील.
जन्मापासूनच उत्तम आरोग्य सुविधा देण्याचा आमचा मानस आहे. एखादा आजार, विकार लवकर ओळखणे हे मुलाच्या विकासासाठी, त्या आजारावर उपचारांसाठी उपयुक्त ठरू शकते. मुलांच्या सर्वांगीण आरोग्यासाठी याची मोठी मदत होऊ शकते, असेही मंत्री राणे म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
