Goa Trinamool: नगरपालिकांवर सत्ता मिळवण्यासाठी 'भाजप' सरकारची धडपड!

Goa Trinamool: गोव्याचे राज्यपाल पी. एस. श्रीधरन पिल्लई यांनी गोवा नगरपालिका (दुरुस्ती) अध्यादेशाला मंजुरी दिल्यानंतर ही दुरुस्ती भाजपच्या राजकीय फायद्यासाठी आणण्यात आली असल्याचा आरोप तृणमूल काँग्रेसने केला आहे.

अध्यादेश आणून सरकारने लोकशाहीची हत्या केली असून तृणमूल काँग्रेसने यावा तीव्र विरोध केला आहे. भाजप सरकारने पुन्हा अन्यायकारक आणि अलोकशाही मार्गाने सत्ता काबीज करण्याचा प्रयत्न केला आहे.

राज्यातील नगरपालिकांवर सत्ता राखण्यासाठी सरकारकडून धडपड सुरू आहे. त्यांच्या राजकीय महत्त्वाकांक्षा पूर्ण करण्यासाठी भाजप कुठल्याही थराला जाऊ शकतो हे आता सिद्ध झाले आहे, अशी टीका गोवा तृणमूल काँग्रेसचे संयुक्त समन्वयक समील वळवईकर यांनी केली.

पणजी येथे घेतलेल्या पत्रकार परिषदेत ते बोलत होते. यावेळी त्यांच्यासोबत संयुक्त समन्वयक मारियान रॉड्रिग्ज आणि पक्षाचे प्रसार माध्यम संयोजक ट्रोजन डिमेलो उपस्थित होते. हा अध्यादेश गोमंतकीयांचा आवाज दाबण्याचा सरकारकडून होत असलेला प्रयत्न आहे.

भाजपने जनतेची फसवणूक केली असून हा अध्यादेश म्हणजे निवडणूक प्रक्रियेला धमकावण्याची आणि प्रभावित करण्याचे एक कारस्थान आहे.