Goa Government : राज्य सरकारने लहान प्राण्यांच्‍या बचावासाठी सुधारित व्‍यवस्‍थापन योजना जाहीर केली आहे. या अंतर्गत प्राण्यांच्‍या जन्‍मावर नियंत्रण ठेवण्यासाठी देखरेख समिती नेमणे आवश्‍यक आहे. राज्यात भटक्‍या कुत्र्यांची संख्या वाढल्‍याने यावर नियंत्रण ठेवण्यासाठी स्‍थानिक पातळीवर समित्‍या काम करत आहेत.
या योजनेअंतर्गत भटक्‍या कुत्र्यांची नसबंदी करण्याचे प्रयोजन असून अनियोजित नसबंदीमुळे राज्यात सुमारे दीड लाखापेक्षा अधिक भटक्‍या कुत्र्या-मांजरांची संख्या झाली आहे. योग्य काळजी घेतली जात नसल्‍याने ते जखमी होतात किंवा विविध रोगांनी ग्रासतात. यासाठी राज्य सरकारने कुत्र्या-मांजरांची काळजी घेण्यासाठी आणि त्‍यांच्‍या संख्येवर नियंत्रण आणण्यासाठी ही योजना आखली आहे. स्‍थानिक स्‍वराज संस्‍थांनी समित्‍या स्‍थापन करण्याची सूचना केली आहे.
शंभर टक्के अनुदान
सरकारकडून शंभर टक्के अनुदान दिले जाईल. कुत्र्यांवर उपचार, शस्रक्रिया, लसीकरण, त्‍यांचा आहार, औषधोपचार, कुत्रे पकडणारे, पशुवैद्यकीय सर्जन, वाहक, भूल शस्रक्रिया साहित्‍य आदीसाठी अनुदान दिले जाईल. 9 लाख रुपयांपर्यंत वाहनासाठी शंभर टक्के खर्च, नसबंदीसाठी 1800 रुपये, शेडसाठी 7 हजार, पिंजऱ्यासाठी 5 हजार रुपये अनुदान दिले जाईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.