सासष्टी: राज्य व केंद्र सरकारने महिलांसाठी ज्या योजना व उपक्रम सुरू केले आहेत, ते महिलांपर्यंत पोहोचविण्यासाठी दक्षिण गोवा महिला मोर्चा कार्यकर्त्यांनी निर्धार केल्याचे डॉ. स्नेहा भागवत यांनी सांगितले. त्यासाठी महिला मोर्चातर्फे जागृती केली जाईल, असेही त्या म्हणाल्या. बुधवारी या पत्रकार परिषदेला तनुजा पैंगीणकर, मधुकला शिरोडकर, शैला पार्सेकर, बबिता बोरकर उपस्थित होत्या.
दक्षिण गोवा महिला मोर्चाच्या कार्यकर्त्यांतर्फे मुख्यमंत्री डॉ. प्रमोद सावंत व प्रदेशाध्यक्ष सदानंद शेट तानावडे यांचे अभिनंदन करण्यात आले. गोव्यातील निवडणुकीत मिळवलेले यश, सरकारची स्थापना व नंतर विधानसभेत सादर केलेला लोकाभिमुख अर्थसंकल्प यासाठी हे अभिनंदन असल्याचे डॉ. भागवत यांनी सांगितले.
तीन गॅस सिलिंडर मोफत, मडगावात एफसीसीआयची कचेरी सुरू करणे, स्टार्टअपमध्ये महिलांसाठी सवलती, महिलांसाठी कौशल्य विकास कार्यक्रम सर्व योजनांचा लाभ महिलांना मिळणार असल्याचेही त्यांनी सांगितले. मोहिता साळगावकर, भारती नाईक यांनीही आपले विचार व्यक्त केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
