Ponda : संजीवनी सहकारी साखर कारखान्यात गेल्या २२ वर्षांपासून कंत्राट पद्धतीने काम करणाऱ्या कर्मचाऱ्यांना कामावरून कमी करण्यात येत असल्याने त्‍यांच्‍यात असंतोष पसरला आहे.कर्मचारी बाबू गवळी यांनी दिलेल्या माहितीनुसार, गेली २० ते २२ वर्षे आम्ही कंत्राट पद्धतीवर संजीवनी साखर कारखान्यात कामाला होता.
दरवर्षी आमच्‍या कंत्राटी कराराचे नूतनीकरण व्‍हायचे. पण यंदा गेल्या महिन्यात संपलेल्‍या कराराचे अजून नूतनीकरण करण्यात आलेले नाही. आम्हाला कामावरून कमी करण्यात येत असल्याचे सांगण्यात आले. आम्ही ८० कामगार आहोत. आता आमचे वय झाल्याने सरकारी नोकरी आम्हाला मिळणार नाही. आम्ही खायचे काय?
मुख्यमंत्री डॉ. प्रमोद सावंत, कृषीमंत्री रवी नाईक, स्थानिक आमदार डॉ. गणेश गावकर यांची भेट घेऊन आम्ही आमच्‍या समस्‍या मांडल्या आहेत. दोन महिन्यांचा पगार अजून मिळालेला नाही. सरकारने आम्हाला योग्य न्याय द्यावा.
बाबू गवळी, कामगार
कंत्राटी कामगारांचा दोन महिन्यांचा राहिलेला पगार त्यांना दिला जाईल. त्यांचे कंत्राट जून महिन्यात संपले आहे. जोपर्यंत सरकारकडून आम्हाला ‘त्यांना कामावर घ्या’ असे लेखी पत्र मिळत नाही, तोपर्यंत त्यांना कामावर घेणे शक्य नाही.
सत्तेज कामत, ‘संजीवनी’चे प्रशासक
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.