CM Pramod Sawant: पगारातील काही पैसे आधीच काढता येणार; सरकारी कर्मचाऱ्यांना मिळणार सवलत

CM Pramod Sawant: मुख्यमंत्री डॉ. प्रमोद सावंत यांनी अर्थसंकल्प सादर करताना जाहीर केल्याप्रमाणे आता राज्यात मुख्यमंत्री सरल पगार योजनेची सुरवात करण्यात आली आहे. मुख्यमंत्र्यांच्या हस्ते या योजनेची सुरवात झाली आहे. याद्वारे आता नियमित सरकारी कर्मचाऱ्यांना त्यांच्या पगारातील काही रक्कम पगार बँक खात्यात जमा होण्याआधीच काढता येणार आहे.

REFYNE अॅपद्वारे ही सुविधा उपलब्ध करून देण्यात येणार आहे. त्यासाठी जितकी रक्कम काढायची आहे त्यानुसार या अॅपद्वारे 9 ते 149 रूपये इतके ट्रँझॅक्शन शुल्क आकारले जाणार आहे.

देशात प्रथमच गोवा सरकार याची अंमलबजावणी करत आहे. याशिवाय गोवा सरकार आगामी अर्थसंकल्पात गृहनिर्माण योजना पुन्हा लाँच करणार आहे. त्याचा फायदा सरकारी कर्मचाऱ्यांसह सर्वसामान्यांनाही होणार आहे.