Yuri Alemao: पहिले प्रेम प्रत्येकासाठी खास असते. पहिल्या प्रेमाचे प्रत्येकाला आकर्षण असते. याला राजकीय नेते तरी कसे अपवाद असतील? गोवा विधानसभेतील विरोधी पक्षनेते आणि काँग्रेस नेते युरी आलेमाव यांनी देखील त्यांच्या पहिल्या प्रेमाची कबुली दिली आहे.
आलेमाव यांनी बुधवारी सोशल मीडियातून ही माहिती दिली आहे. अर्थात हे प्रेम वेगळं प्रेम आहे. खरं तर, आलेमाव यांचे हे पहिले प्रेम म्हणजे दुसरे तिसरे काही नसून त्यांची आवड आहे. बुधवारी जागतिक पायलट दिनाचे औचित्य साधून आलेमाव यांनी एक ट्विट केले आहे.
या ट्विटसोबत त्यांनी त्यांचा जुना फोटो शेअर केला आहेत. एका फोटोत ते एका विमानासमोर उभे असलेले दिसतात. तर दुसऱ्या फोटोत ते विमानाच्या कॉकपिटमध्ये बसलेले दिसतात.
आलेमाव यांनी या ट्वटिमध्ये म्हटले आहे की, उड्डाण व्यवसायात असलेल्या सर्वांना पायलट दिनाच्या शुभेच्छा. विमान उडवणे हेच माझे पहिले प्रेम आहे. जमिन सोडून नवनवी क्षितिजे पादाक्रांत करण्याचे धाडस बाळगणाऱ्या आणि त्याची पुर्तता करणाऱ्यांना शुभेच्छा. स्वतःला आव्हाने देत राहा, मोठे ध्येय ठेवा, असे आलेमाव यांनी म्हटले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
