Goa Government : कर्नाटक विधानसभा मतदानादिवशी गोव्यात 'यांना' मिळणार पगारी सुट्टी

कर्नाटक विधानसभा निवडणुकीच्या मतदानासाठी गोव्यात असलेल्या कर्नाटकातील मतदार कर्मचाऱ्यांसाठी 10 मे रोजी पगारी सुट्टी जाहीर करण्यात आली आहे. याबाबतचा आदेश राज्य सरकारने आज जाहीर केला.

सरकारने जाहीर केलेल्या परिपत्रकात असे नमूद केले आहे की, काही कर्नाटकातील मतदार गोव्यात कामानिमित्त राहत आहेत. अशा गोव्यात असलेल्या कर्नाटकातील मतदार कर्मचाऱ्यांसाठी कर्नाटक विधानसभा निवडणुकीच्या मतदानासाठी बुधवारी 10 मे रोजी पगारी सुट्टी जाहीर करण्यात आली आहे.

औद्योगिक कामगार, सरकारी विभागातील रोजंदारी कामगार, राज्य सरकारचे औद्योगिक विभाग, गोवा राज्यातील खाजगी आस्थापनांचे व्यावसायिक आणि औद्योगिक कामगार या कर्नाटकातील मतदारांना कर्नाटक विधानसभा निवडणुकीच्या मतदानासाठी गोवा सरकारने पगारी सुट्टी जाहीर केली आहे.