LSG Team in Goa: लखनौ सुपर जायंट्स संघ गोव्यात दाखल; मॅच नाही तर 'हे' आहे कारण...

Lucknow Super Giants Team in Goa: गोव्यामध्ये इंडियन प्रीमियर लीग (IPL) मधील लखनौ सुपर जायंट्स संघ सोमवारी गोव्यात दाखल झाला. खरे तर गोव्यात आयपीएलमधील एकही सामना खेळला जाणार नाहीय. पण तरीदेखील लखनौ संघ गोव्यात दाखल झाला आहे.

रविवारीच लखनौ संघाचा आयपीएलमधील सामन्यात पराभव झाला होता. गुजरात टायटन्स संघाने लखनौ सुपर जायंट्स संघावर 56 धावांनी विजय मिळवला होता. गुजरात टायटन्सचे मोठे 228 धावांचे मोठे आव्हान लखनौला पार करता आले नव्हते.

लखनौ संघाला 7 बाद 171धावसंख्या करता आली होती. या पराभवानंतर दुसऱ्याच दिवशी, सोमवारी लखनौ सुपर जायंट्सचा संघ गोव्यात दाखल झाला आहे.

एका जाहिरातीसाठी हा संघ गोव्यात आल्याचे समजते. ही जाहीरात शुट करून हा संघ पुढच्या मॅचसाठी रवाना होईल. लखनौ संघाचा पुढील सामना 13 मे रोजी सनरायझर्स हैदराबाद संघाविरूद्ध होणार आहे. हैदराबादमधील राजीव गांधी स्टेडियममध्ये हा सामना खेळला जाणार आहे.