गोव्यात ओला टॅक्सीला मान्यता देण्याबाबत मुद्दा अनेक दिवसांपासून प्रलंबित होता. याबाबत कोणताच ठोस निर्णय होत नव्हता. मात्र आता याबाबत नवीन माहिती समोर आली आहे. वाहतूक मंत्री माविन गुदिन्हो यांनी दिलेल्या माहितीनुसार सरकार ओला टॅक्सीला मान्यता देण्याचा विचार सरकार करीत आहे.
या व्यवसायामध्ये गोव्यातील स्थानिकांनाच रोजगार मिळवा यासाठी सरकार प्रयत्नशील आहे. त्यामुळे 100 टक्के ओला टॅक्सी आणि टॅक्सीचालक हे गोव्यातीलच घेण्याची हमी ओलाने दिली आहे. त्यामुळे आता प्रवाशांच्या सोयीसोबतच अनेक स्थानिकांना मोठ्या प्रमाणात रोजगारदेखील उपलब्ध होण्यास मदत होणार आहे.
गोव्यामध्ये येणाऱ्या पर्यटकांना वाहतुकीचा सर्वात मोठा प्रश्न सतावत होता. अनेकदा पर्यटकांनी गोव्यामध्ये राज्य सरकारने ओला, उबेर सारख्या टॅक्सी सेवा आणाव्यात, अशी मागणी केली होती. सरकारचा हा निर्णय पर्यटन व्यवसायासाठी सुद्धा महत्त्वाचा ठरणार आहे
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
