फातोर्डा : मायणा-कुडतरी पोलिस स्थानकाच्या हद्दीत घडलेल्या एका अल्पवयीन मुलीवर बलात्कारप्रकरणी बालन्यायालयाने संशयित आरोपीला 14 दिवसांची न्यायालयीन कोठडी सुनावली आहे. फिरोज अन्सारी (18) असे संशयित आरोपीचे नाव आहे. (Rape suspect remanded in custody for 14 days)
काही दिवसांपूर्वी त्‍याने एका अल्पवयीन मुलीला निर्जनस्थळी नेऊन तिचे लैंगिक शोषण केले होते. या प्रकरणी मुलीच्या आईने पोलिस तक्रार दाखल केली होती. यानंतर संशयित आरोपीला भारतीय दंड संहितेच्‍या 376-8 व गोवा बालसंरक्षण कायद्याअंतर्गत अटक केली आहे. पोलिस उपनिरीक्षक करिश्‍‍मा प्रभू अधिक तपास करीत आहेत.
दरम्यान, गोव्यात काही दिवसांपूर्वी गोड्या पाण्याच्या तलावावर 42 वर्षीय ब्रिटीश नागरिकावर बलात्कार केल्याच्या आरोपाखाली पेडणे पोलिसांनी सोमवारी अरामबोलचा रहिवासी जोएल डिसोझाला अटक केली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
