Tax Devolution Instalments: नियमित मासिक कर हस्तांतरणात गोव्याला 450.32 कोटी रुपये

केंद्र सरकारने आज (10 ऑगस्ट ) राज्यांना नियमित मासिक कर हस्तांतरण रक्कम वितरीत केली. 58,332.86 कोटी रुपयांप्रमाणे राज्य सरकारांना दोन हप्त्यांपोटी 1,16,665.75 कोटी रुपयांची रक्कम अदा करण्यात आली आहे. गोव्याला दोन हप्त्यांत 450.32 कोटी रुपये मिळाले आहेत. अशी माहिती अर्थ मंत्रालयाने दिली आहे.

राज्यांच्या भांडवली आणि विकास खर्चाला गती देण्याच्या दृष्टीने केंद्र सरकार राज्यांना नियमित मासिक कर हस्तांतरण करत असते. 10 ऑगस्ट रोजी केंद्र सरकारने राज्यांना कर हस्तांतरणाची रक्कम वितरीत केली.

यामध्ये सर्वाधिक 20,928 .62 कोटी रूपये उत्तर प्रदेशला, 11,734.22 कोटी रूपये बिहारला, 9,158.24 कोटी मध्य प्रदेशला आणि 7,369.76 कोटी रूपये महाराष्ट्र राज्याला मिळाले आहेत. तर, गोव्याला दोन हप्त्यांत 450.32 कोटी रुपये मिळाले आहेत.