Goa G20 Tourism Minister Meet: G-20 पर्यटन मंत्रिस्तरीय बैठकीचे आयोजन केल्यानंतर गोव्यात जुलैमध्ये या प्रभावशाली गटाच्या आणखी दोन महत्त्वाच्या बैठका होणार आहेत. त्याच्या तयारीसाठीही गोवा सज्ज झाला आहे.
दरमयान, G-20 बैठकांसारख्या मोठ्या कार्यक्रमांचे आयोजन केल्याने गोव्याची 'ब्रँड व्हॅल्यू' वाढली आहे, असे मत गोव्यातील G-20 बैठकीचे नोडल अधिकारी संजित रॉड्रिग्स यांनी व्यक्त केले आहे.
चौथ्या आणि अखेरच्या जी-20 पर्यटन कार्यगटाच्या बैठकीतील G-20 सदस्य देशांचे प्रतिनिधी G-20 पर्यटन मंत्रिस्तरीय बैठकीतील सदस्यांना गोव्यातील बीचेस, निसर्ग आवडला.
गोव्याने या पर्यटनावरील बैठकीपूर्वी स्टार्ट-अप, वित्त, लेखा, विकास आणि आरोग्याशी संबंधित G-20 कार्यक्रमांच्या पाच बैठकांचे आयोजन केले होते. ज्यामुळे राज्यात झालेल्या G-20 संबंधित बैठकांची संख्या 7 झाली आहे.
गोव्यातील G-20 बैठकीचे नोडल अधिकारी संजित रॉड्रिग्स यांनी PTI ला दिलेल्या मुलाखतीत म्हटले आहे की, “पर्यटनविषयक अलीकडील दोन बैठका गोव्यात झालेल्या सहाव्या आणि सातव्या G-20 बैठका होत्या. राज्यात नऊ G-20 कार्यक्रम होणार आहेत.
स्वच्छ ऊर्जा मंत्रिस्तरीय बैठक आणि दुसरी G-20 बैठक जुलैमध्ये होणार आहे. पर्यटनाशी संबंधित बैठकींप्रमाणेच हे दोन्ही कार्यक्रमही 19 ते 22 जुलै दरम्यान होणार आहेत. अशा मोठ्या कार्यक्रमांसाठी राज्यात केलेला पायाभूत सुविधांचा विकास हा तात्पुरता नसून दीर्घकालीन असतो.
या देशांचे मंत्री सहभागी होणार
पर्यटन मंत्रिस्तरीय बैठकीत यूके, ओमान, सौदी अरेबिया आणि दक्षिण आफ्रिका या देशांचे मंत्री आणि इतर अनेक देशांचे प्रमुख प्रतिनिधी उपस्थित राहणार आहेत.
संजित रॉड्रिग्स म्हणाले की, , “गोवा हे संमेलन, प्रोत्साहन, अधिवेशने आणि प्रदर्शने (MICE) यासाठीचे आवडते ठिकाण आहे. मोठ्या परिषदांसाठी येथे भरपूर पायाभूत सुविधा निर्माण केल्या आहेत. म्हणून गोव्याची निवड एक नैसर्गिक निवड बनते.
MICE पर्यटन हा पर्यटनाचा एक प्रकार आहे. ज्यात पूर्व नियोजनानुसार मोठ्या गटांना एकत्र आणले जाते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.