सासष्टी: गोव्यातील युवकांना संघटित करून गोमंतकीयांना न्याय मिळवून देण्यासाठी गोवा फॉरवर्ड पक्ष कटिबद्ध असल्याचे फातोर्ड्याचे आमदार तथा गोवा फॉरवर्डचे अध्यक्ष विजय सरदेसाई यांनी सांगितले. ‘जेन झी’ने अन्यायाविरुद्ध एकजुटीने लढण्याची ताकद दाखवून दिली असून, इतर राजकीय पक्षांनीही त्यातून धडा घ्यावा, असे ते म्हणाले.
दक्षिण गोव्यातील वेळ्ळी येथील युवक नागेश साळगावकर यांच्या नेतृत्वाखाली कुडतरी, मडगाव, कुंकळ्ळी, नावेली आणि कुडचडे परिसरातील ३० हून अधिक युवकांनी शनिवारी गोवा फॉरवर्ड पक्षात प्रवेश केला. यावेळी विजय सरदेसाई यांनी सर्वांचे स्वागत केले.
यावेळी बोलताना सरदेसाई म्हणाले की, पक्षाला निष्ठावान कार्यकर्त्यांसह पुढे जायचे असून, गोमंतकीयांच्या हक्कांसाठी सातत्याने लढा सुरू राहील.नागेश साळगावकर म्हणाले की, गोव्यात सकारात्मक बदल घडवून आणण्याच्या उद्देशाने आम्ही गोवा फॉरवर्डमध्ये प्रवेश केला आहे.
आमदार विजय सरदेसाई यांच्याकडून मोठ्या अपेक्षा असून, गोव्याला योग्य दिशा देण्याची क्षमता त्यांच्यात आहे, असा विश्वास त्यांनी व्यक्त केला. गोव्यात शिक्षण, रोजगार आणि विकास या क्षेत्रांत मोठ्या बदलाची गरज असून, हा बदल घडवून आणण्याची क्षमता गोवा फॉरवर्ड पक्षात असल्याचा दावाही साळगावकर यांनी केला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
