डिचोली: मये विधानसभा मतदारसंघातील (Maye Assembly Constituency) कारापूर-सर्वण पंचायतीचे उपसरपंच दामोदर गुरव (Damodar Gurav) आणि माजी सरपंच तथा विद्यमान पंच लक्ष्मण गुरव (Laxman Gurav) यांनी भाजपमध्ये प्रवेश केला आहे. गुरुवारी सायंकाळी डिचोली येथे आमदार प्रवीण झांट्ये यांच्या कार्यालयात आयोजित करण्यात आलेल्या कार्यक्रमात मये मतदारसंघ भाजपच्या प्रभारी सुलक्षणा सावंत (Sulakshana Sawant) आणि आमदार प्रवीण झांट्ये (MLA Praveen Jhantye) यांच्या उपस्थितीत या दोघांनी भाजपमध्ये रीतसर प्रवेश केला.
यावेळी कारापूर-सर्वणचे जिल्हा पंचायत सदस्य महेश सावंत, मये भाजप मंडळाचे अध्यक्ष दयानंद न्हावेलकर, उत्तर गोवा जिल्हा पंचायतीची माजी अध्यक्ष अंकिता न्हावेलकर, कारापूर-सर्वणचे सरपंच गोकुळदास सावंत, पंच उज्वला कवळेकर, रश्मी नाईक, सुषमा सावंत आणि रसूल मदार तसेच मये पंचायतीचे पंच विश्वास चोडणकर आदी कार्यकर्ते उपस्थित होते. आमदार झांट्ये आणि सुलक्षणा सावंत यांनी दामोदर गुरव आणि लक्ष्मण गुरव यांचे पक्षात स्वागत केले.
भाजपच्या कार्याने आम्ही या पक्षात प्रवेश करण्याचा निर्णय घेतल्याचे दामोदर आणि लक्ष्मण गुरव यांनी सांगितले. गोकुळदास सावंत यांनी स्वागत केले. तर विश्वास चोडणकर यांनी सूत्रसंचालन केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
