Goa Forest Fire: सत्तरीत काजू बागायतीला आग; दोन हजार काजू कलमे जळून खाक

Goa Forest Fire: गोव्यात अजूनही जंगलात आग लागण्याचे प्रमाण कमी झालेले नाही. अडवई सत्तरी येथील घनश्याम देसाई व मधुकर देसाई यांच्या काजू बागायतीला आग लागण्याची माहिती समोर आली आहे.

माहितीनुसार, अंदाजे दोन हजार काजू कलमे, आंब्याची झाडे व इतर पीके जळून खाक झाली आहेत. वाळपई अग्निशमन दल घटनास्थळी दाखल झाले असून मदत कार्य सुरु आहे. आग कशी लागली याचा शोध घेतला जात आहे. कोणीतरी जाणून बुजुन आग लावली असल्याचा अंदाज वर्तविला जात आहे. सध्या घटनास्थळी पोलिस दाखल झाले आहेत.

ऐन पीक घेण्याच्या वेळी काजू पीक जळून खाक झाली आहे. त्यामुळे बागायतदार संकटात आले आहेत. येथील घनश्याम देसाई व मधुकर देसाई यांच्या काजू बागायतीला आग अंदाजे दोन हजार काजू कलमे, आंब्याची झाडे व इतर पिक जळून खाक झाले आहे. वाळपई अग्निशमन दल घटनास्थळी दाखल झाले असून आग विझवण्याचे काम सुरू आहे.

दरम्यान, कुंकळ्ळी येथे एका उडपी हॉटेलला मध्यरात्रीच्या वेळी आग लागून संपूर्ण हॉटेल जाळून खाक झाले. यात या हॉटलची मोठ्या प्रमाणात हानी झाली आहे. आग लागण्याचा प्रकार मध्यरात्रीच्या वेळी 12 वाजण्याच्या दरम्यान घडला होता. या प्रकरणाची माहिती मिळाल्यानंतर अग्निशमन दलाच्या पथकाने धाव घेऊन आग वीजविण्याचा प्रयत्न केला यात त्यांना काही प्रमाणाची मालमता वाचविण्यात यश आले.

साधारण 45 मिनिटे ही आग असून यामध्ये मोठ्या प्रमाणात नुकसान झाले असल्याचे सांगण्यात येत आहे.