Goa Flights: आंध्र प्रदेशच्या किनाऱ्यावर धडकलेल्या मिचुआंग चक्रीवादळामुळे पूर्व किनारपट्टीवरील महत्वाच्या विमानतळांवरील फ्लाईट्सवरदेखील परिणाम झाला आहे. चेन्नई विमानतळावरील कामकाज विस्कळीत झाले आहे.
तसेच गोव्यातील दाबोळी आणि मोपा या विमानतळांवरील विमान उड्डाणांवरही परिणाम झाला आहे.
दाबोळी आणि मोपा विमानतळांवरील अनेक उड्डाणे रद्द झाली असून अनेक विमाने पाच तास उशिराने रिशेड्युल झाली आहेत. गोव्यात जवळपास 20 उड्डाणे विलंबाने झाली आहेत.
वादळामुळे 1000 हून अधिक प्रवाशांना याचा फटका बसला आहे. दरम्यान, अधिकाऱ्यांना चेन्नई आंतरराष्ट्रीय विमानतळावर रात्री 11 वाजेपर्यंत आगमन आणि निर्गमन ऑपरेशन थांबवावे लागले.
स्पाइसजेटचे मोपा ते चेन्नईचे फ्लाइट, SG607, इंडिगोच्या मोपा ते चेन्नईच्या फ्लाइटसह रद्द करण्यात आले.
विविध विमानतळांवर एअरलाइन्सने प्रवाशांना धीर धरण्याचे आणि टर्मिनलवर अनावश्यक ताण आणि गर्दी टाळण्यासाठी विमानतळावर जाण्यापूर्वी त्यांच्या फ्लाइटची स्थिती तपासण्याचे आवाहन केले आहे.
फ्लायर्सने त्यांच्या फ्लाइटसाठी सरासरी दोन तासांचा विलंब नोंदवला आणि काही एअरलाइन्सने प्रवासाची वेळ किंवा तारीख बदलण्याची किंवा बुकिंग रद्द करण्याची आणि पूर्ण परतावा देण्याची ऑफर दिली.
विलंबाबरोबरच, प्रवाशांना बोर्डिंग आणि सामान उतरवण्यात विलंबाचाही सामना करावा लागला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.