वास्को: गोंयच्या रापोणकरांचो एकवोट व इतर संघटनांच्या प्रतिनिधींनी मत्सोद्योग मंत्री नीलकंठ हळर्णकर यांची भेट घेऊन त्यांच्यासमोर आपल्या अकरा कलमी मागण्या ठेवल्या.
तसेच एलईडी लाईट फिशिंग, बुल ट्रॉलिंग व पेअर ट्रॉलिंगवर बंदी व मुंबई उच्च न्यायालयाने दिलेल्या सात निर्देशांची अंमलबजावणी करा, अशीही विनंती केली. याप्रकरणी स्वविस्तर चर्चेनंतर मंत्री हळर्णकर यांनी सदर समस्या सोडविण्याचे आश्वासन दिले.
‘गोंयच्या रापोणकरांचो एकवोट’चे ओलंसियो सिमोईस व इतरांनी मंत्री हळर्णकर यांची भेट घेतली. त्यांनी मुंबई उच्च न्यायालयाच्या मे २०२५ च्या आदेशाची अंमलबजावणी करण्याची विनंती केली. बंदीनंतर एलईडीचा वापरून आदेशाचे उल्लंघन होतच आहे. त्यामुळे तटरक्षक, कोस्टल पोलिस, मत्सोद्योग विभागांना बंदीच्या अंमलबजावणीचे निर्देश द्यावेत,अशी मागणी त्यांनी केली.
गोव्याच्या प्रादेशिक पाण्यात गोव्याबाहेरील मासेमारी बोटींची मासेमारी थांबविण्यासाठी काही सुधारणा करण्याची गरज व्यक्त करण्यात आली आहे. खोल समुद्रात ट्रॉलर्ससाठी मासे पकडण्याची मर्यादा नियंत्रित करणे, पावसाळी हंगामातील बंदी ९० दिवसांपर्यंत वाढविणे, मडगावातील घाऊक मासे मार्केट मच्छिमारांकडे सोपवणे, इंधन अनुदानाची रक्कम वाढविणे, या मागण्यांवर चर्चा करण्यात आली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
