डिचोली: फेरीबोट कर्मचाऱ्यावर (खलाशी) कोयत्याने प्राणघातक हल्ला केल्याची घटना घडली असून, या हल्ल्यात गंभीर जखमी झालेल्या रमाकांत फडते (वय ५८ वर्षे) याच्यावर गोमेकॉत उपचार सुरू आहेत.
हल्ला करणारा मुख्य संशयित मायणी-न्हावेली येथील रूपेश नाईक (वय ४० वर्षे) याच्यासह त्याचा फणसवाडी-न्हावेली येथील साथीदार अनिकेत न्हावेलकर (वय २८ वर्षे) याला डिचोली पोलिसांनी २४ तासांच्या आत अटक केली असून, दुचाकीही जप्त केली आहे.
प्राणघातक हल्ल्याची ही घटना सुर्ल वळवई जलमार्गावरील 'चांदोर 'नामक फेरीबोटीत गुरुवारी रात्री पावणेनऊ वाजता घडली. वळवई फेरी धक्क्यावरून सुटलेली 'चांदोर' ही फेरीबोट सुर्ल फेरीधक्क्याच्या दिशेने येत होती.
फेरीबोटीत दुचाकीसह आलेल्या रूपेश नाईक याने अचानक फेरीबोट कर्मचाऱ्यांना शिवीगाळ केली, नंतर त्याने कोयत्याने मारहाण केली.
जंगलात आवळल्या संशयिताच्या मुसक्या
या हल्ल्यानंतर संशयित रूपेश घटनास्थळावरून फरारी झाला. मात्र, रूपेश हा पोडोसे भागातील जंगलात असल्याची माहिती पोलिसांना मिळाली. पोलिस निरीक्षक विजय राणे सरदेसाई यांच्या नेतृत्वाखालील पोलिस पथकाने जंगलात शोध घेऊन रूपेशच्या मुसक्या आवळल्या, तर त्याचा साथीदार अनिकेत न्हावेलकर याला नावेली परिसरात अटक केली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
