Goa News: कोलवा येथे एकाची आत्महत्या

Goa News: कोलवा पोलिस स्थानकाच्या हद्दीत एकाने गळफास लावून आत्महत्या करण्याचा प्रकार घडला. संतोष ललित सोनी (28) असे मृत व्यक्तीचे नाव आहे.

तो काम करीत असलेल्या हॉटेलच्या पाठीमागील शेडच्या आवारातील खांबाला नायलॉन दोरीच्या साहाय्‍याने त्‍याने गळफास लावून आत्महत्या केली. हा प्रकार लक्षात येताच या प्रकरणी हॉटेलचे कर्मचारी विपीन द्विवेदी यांनी पोलिसांना माहिती दिली.

या प्रकरणाची पोलिसांनी अनैसर्गिक मृत्यू म्हणून नोंद केली आहे. अधिक तपास सुरू आहे. दरम्‍यान, या प्रकारामुळे कोलवा परिसरात खळबळ माजली आहे.