Goa Election: निवडणुकीची रणनिती ठरविण्यासाठी प्रफुल्ल पटेल गोव्यात

दाबोळी: केंद्रीय राष्ट्रवादी काँग्रेस पक्षाचे (Nationalist Congress Party) गोवा (Goa) प्रभारी तथा माजी केंद्रीय नागरी उड्डाण मंत्री प्रफुल्ल पटेल (Praful Patel) यांचे गोव्यात आगमन झाले आहे. 2022 मध्ये होणाऱ्या गोवा विधानसभा (Goa Assembly) निवडणुकीची पूर्वतयारी करण्यासाठी पटेल गोव्यात दाखल झाले आहे.

राज्य राष्ट्रवादी काँग्रेस पक्षाचे गोवा प्रभारी प्रफुल्ल पटेल यांचे गुरुवार (दि.२) दुपारी दाबोळी विमानतळावर आगमन झाले. यावेळी गोवा राष्ट्रवादी काँग्रेस प्रदेशाध्यक्ष जुझे फिलिप डिसोझा यांनी त्यांचे स्वागत केले. याप्रसंगी त्यांच्यासमवेत प्रफुल्ल हेदे पक्षाचे सरचिटणीस प्रीतम नाईक व इतर पदाधिकारी उपस्थित होते. गोव्यात पुढील वर्षी होणाऱ्या विधानसभा निवडणुकीची रणनीती करण्यासाठी पटेल पक्षाच्या पदाधिकाऱ्यांसोबत बैठक घेण्यासाठी आले आहे. गोव्यात राष्ट्रवादी काँग्रेस पक्ष येणारी निवडणूक युती करून लढविणार की एकला चलो रे लढविणार यावर सविस्तर चर्चा बैठक होणार आहे. तसेच राज्यातील विविध मतदार संघात गाठीभेटी सुरू करणार असणार आहे.