डिचोली: उमेदवारी अर्ज भरण्याच्या काल (शुक्रवारी) शेवटच्या दिवशी साखळीत आठ तर मयेत 2 मिळून दहाजणांनी अर्ज भरले आहेत, तर डिचोली तालुक्यातील तिन्ही मतदारसंघात मिळून एकूण 25 उमेदवारी अर्ज दाखल झाले आहेत. शुक्रवारी साखळी मतदारसंघातून महादेव खांडेकर यांनी मगो पक्षातर्फे तर मनोजकुमार घाडी यांनी 'आप'तर्फे (AAP) अर्ज भरला. (Bicholim Goa Assembly Election 2022)
ऍड. सागर धारगळकर (शिवसेना), सुजय गावस ('आरजी') आणि लवू पेटकर, सुनील फुलारी, नवनाथ मुळवी आणि दाऊदखान पठाण (अपक्ष) यांनीही शुक्रवारी उमेदवारी अर्ज भरले आहेत. साखळी मतदारसंघाचे निवडणूक अधिकारी तथा उपजिल्हाधिकारी दीपक वायंगणकर यांच्याकडे या उमेदवारांनी उमेदवारी अर्ज दाखल केले. यापूर्वी या मतदारसंघातून मुख्यमंत्री डॉ. सावंत (भाजप) आणि धर्मेश सगलानी (काँग्रेस) आणि महेश परब यांनी उमेदवारी अर्ज भरले आहेत. मये मतदारसंघातून शुक्रवारी दिपकुमार मापारी आणि शिला घाटवळ (अपक्ष) यांनी अर्ज भरले.
तालुक्यातून 25 जणांचे अर्ज
उमेदवारी अर्ज भरण्याच्या शेवटच्या दिवसांपर्यंत साखळी आणि मयेत प्रत्येकी आठ आणि डिचोलीत (Bicholim) पाच मिळून डिचोली तालुक्यातील तिन्ही मतदारसंघातून एकूण एकवीस जणांनी उमेदवारी अर्ज भरले आहेत.
मये (Mayem) मतदारसंघातून प्रेमेंद्र शेट (भाजप), प्रवीण झांट्ये (मगो), संतोषकुमार सावंत (गोवा फॉरवर्ड), प्रा. राजेश कळंगुटकर (आप), श्रीकृष्ण परब (आरजी), मिलिंद पिळगावकर, रोहन सावईकर, शिला घाटवळ आणि दीपकुमार मापारी (अपक्ष) या उमेदवारांनी अर्ज भरले आहेत. डिचोली मतदारसंघातून राजेश पाटणेकर (भाजप), नरेश सावळ (मगो), मेघ:श्याम राऊत (काँग्रेस), अनिश नाईक (आरजी) आणि डॉ. चंद्रकांत शेट्ये (अपक्ष) या उमेदवारांनी अर्ज भरले आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
