वाळपई: गोवा राज्यात अमली पदार्थांविरोधातील मोहीम तीव्र झाली असतानाच, वाळपई पोलिसांनी एका मोठ्या कारवाईत तिघांना रंगेहात पकडले आहे. वाळपई येथील केटीसी (KTC) बसस्थानक परिसरात अमली पदार्थांची विक्री आणि देवाणघेवाण होणार असल्याची गोपनीय माहिती पोलिसांना मिळाली होती. त्यानुसार सापळा रचून पोलिसांनी या संशयितांना ताब्यात घेतले.
अटक करण्यात आलेल्या तीन आरोपींपैकी दोन जण उत्तर प्रदेशातील असून, एक जण बिहारचा रहिवासी आहे. हे तिघेही गेल्या काही दिवसांपासून या परिसरात संशयास्पदरीत्या वावरत होते. स्थानिक तरुणांना अमली पदार्थांच्या जाळ्यात ओढण्यासाठी ते येथे आले असावेत, असा प्राथमिक अंदाज पोलिसांनी व्यक्त केला आहे. बसस्थानकासारख्या सार्वजनिक आणि गजबजलेल्या ठिकाणी अमली पदार्थांची डिलिव्हरी देण्याचे त्यांचे धाडस पाहून पोलीसही थक्क झाले आहेत.
पोलिसांनी केलेल्या या कारवाईत आरोपींकडून एकूण ३३८ ग्रॅम वजनाचे अमली पदार्थ जप्त करण्यात आले आहेत. आंतरराष्ट्रीय बाजारपेठेत या मालाची किंमत सुमारे ३३,८०० रुपये आहे. जप्त करण्यात आलेले अमली पदार्थ तस्कर ते कोणाकडून आणायचे, याचा सखोल तपास आता वाळपई पोलीस करत आहेत.
बसस्थानकासारख्या ठिकाणी अशा प्रकारे अंमली पदार्थांची विक्री होत असल्याने स्थानिक नागरिकांमध्ये चिंतेचे वातावरण आहे. मात्र, पोलिसांनी वेळीच केलेल्या या कारवाईमुळे एका मोठ्या रॅकेटचा छडा लागण्याची शक्यता वर्तवण्यात येत आहे. या प्रकरणी अंमली पदार्थ विरोधी कायद्यांतर्गत (NDPS Act) गुन्हा दाखल करण्यात आला असून, आरोपींची अधिक चौकशी सुरू आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.