Drishti Lifeguards Rescued Six Tourists At Calangute Baga Beach: स्वातंत्र्य दिनाच्या दरम्यान जोडून सुट्ट्या आल्याने पर्यटकांची पाउले गोव्याकडे वळली. अनेक पर्यटक मद्यधुंद अवस्थेत समुद्रात पोहण्यासाठी उतरतात. त्यामुळे बुडण्याचे प्रकार घडतात.
विकेंड तसेच स्वातंत्र्य दिनाच्या दिवशी कळंगुट-बागा समुद्रकिनाऱ्यांवरील जीवरक्षकांनी वेगवेगळ्या घटनांमध्ये समुद्रात बुडणाऱ्या सहा पर्यटकांना वाचविल्याची माहिती दृष्टिच्या जीवरक्षकांनी दिली.
तर मागील सहा महिन्यात राज्यात 317 जणांना जीवदान देण्यात आले असून, 107 बेपत्ता लहान मुलांचा शोध घेण्यात दृष्टी जीवरक्षकांना यश आले आहे.
मिळालेल्या माहितीनुसार, सोमवारी कळंगुट येथे दारूच्या नशेत समुद्रात गेलेल्या मुंबईतील 40 वर्षीय पर्यटकाला दृष्टी जीवरक्षकांनी बुडताना पाण्यातून बाहेर काढले.
इतर घटनांमध्ये, उत्तर प्रदेशातील 24 वर्षीय पर्यटक सोमवारी पाच मित्रांच्या गटासह कळंगुट समुद्रकिनाऱ्यावर आला होता.
यावेळी तो मित्रांसह समुद्रात पोहण्यासाठी उतरला असता खोल पाण्यात अडकला. अडकल्याने त्याला पोहता येत नव्हते. जीवरक्षकांनी त्याच्या बचावासाठी धाव घेतली आणि त्याला सुखरूप परत किनाऱ्यावर आणले.
इतर दोन घटनांंमध्ये मुंबईच्या 32 वर्षीय आणि कर्नाटकच्या 35 वर्षीय या दोन पर्यटकांना बुडताना वाचवण्यात आले.
बागा समुद्रकिनाऱ्यावर बुडणाऱ्या पश्चिम बंगालमधील 34 आणि 26 वर्षीय दोन पर्यटकांना सर्फबोर्डच्या मदतीने दृष्टिच्या जीवरक्षकांनी किना-यावर परत आणले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
