Vasco: टॅक्सीचे भाडे हडप करून बेकायदा व्यवसाय करणाऱ्या हायजॅकर्सचा युनायटेड टॅक्सी मेन युनियनच्या दाबोळी विमानतळावरील काळ्या-पिवळ्या टॅक्सी ऑपरेटर्सच्या गटाने निषेध केला. विमानतळ परिसरात पोलिस गस्त वाढवून अशा हायजॅकर्सवर त्वरीत कारवाई करावी अशी मागणीही यावेळी करण्यात आली.
दाबोळी विमानतळावरील टॅक्सीचालकांचा प्रश्न सोडविण्यास दाबोळी विमानतळ प्राधिकरण, दाबोळी पोलिस व लोकप्रतिनिधी अपयशी ठरले आहेत. काळ्या-पिवळ्या टॅक्सीचालकांना अनेक समस्या भेडसावत आहे.
दरम्यान, त्यातील मुख्य समस्या म्हणजे तो हायजॅकर्सचा, जे चोरट्या मार्गाने दाबोळी विमानतळावरील भाडे हडप करून व्यवसाय करत आहेत, असा आरोप करून सुमारे ३५० टॅक्सीचालकांनी एकवटून या प्रकाराचा निषेध केला. तसेच या प्रकाराला त्वरित आळा घालावा, अशी मागणी सचिव प्रभुगावकर यांनी केली.
पोलिस स्थानकाच्या होमगार्डला दंड
दाबोळी विमानतळावर बेकायदा प्रवासी भाडे मारताना वास्को पोलिस स्थानकाचा होमगार्ड सय्यद दाऊद इस्माईल इब्राहिम याला पाच हजार रुपयांचा दंड ठोठावण्यात आला. परवाना नसताना खासगी वाहनाने भाडे मारत असल्याबद्दल त्याच्याविरोधात दाबोळी विमानतळावरील पोलिस स्थानकात तक्रार करण्यात आली होती. त्यानुसार ही कारवाई करण्यात आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
