Siolim Theft Case: 3 महिन्यांपूर्वी झालेल्या चोरी प्रकरणातील आरोपीला अटक; हणजूण पोलिसांची कारवाई

24 जून रोजी SFX हायस्कूलजवळ अज्ञात व्यक्तीने टेम्पो चालकाला थांबवून त्याच्या खिशातील 40 हजाराची रक्कम हिसकावून स्कूटरवरून पळ काढला.
Siolim Theft Case
Siolim Theft CaseDainik Gomantak

Siolim Crime शिवोली येथे टेम्पो चालकाला गंडवून त्याच्याकडून रोख रक्कम हिसकावून पळालेल्या ऍगोस्टिनहो कार्व्हालो या आरोपीला पकडण्यात हणजूण पोलिसांना यश आले आहे. ही कारवाई म्हापसा SDPO जिवबा दळवी यांच्या मार्गदर्शनाखाली पोलीस पथकाने केली.

या संबंधी म्हापसा एसडीपीओ जिवबा दळवी यांनी दिलेल्या माहितीनुसार फिर्यादी हा 407 टेम्पोचा चालक असून तो त्याच्या हेल्परसह शिवोली, मांद्रे, मोरजी तसेच हरमल या भागात दूध पिशव्यांची विक्री करत असे.

Siolim Theft Case
Goa Crime: कांदोळी किना-यालगत आढळला अज्ञात पुरुषाचा मृतदेह

24 जून 2023 रोजी सकाळी 8 च्या सुमारास टेम्पोचालक SFX हायस्कूलजवळ पोहोचल्यावर अ‍ॅक्टिव्हा स्कूटरने आलेल्या एका अज्ञात व्यक्तीने चालकाला टेम्पो थांबवण्यास सांगून त्याच्या सोबत हुज्जत घालून फिर्यादीच्या खिशातील रोख 40 हजाराची रक्कम हिसकावून स्कूटरवरून पळ काढला.

या घटनेनंतर पोलिसांनी तात्काळ भादंवि 356, 379 अन्वये गुन्हा नोंदवून तपास सुरू केला. तपासा दरम्यान फिर्यादीला गुन्हेगाराची छायाचित्रे दाखवताच त्याने माजोर्डा येथील रहिवासी असलेला अगोस्टिनहो कार्व्हालो याची ओळख पटवली.

त्या नंतर पोलिसांनी एक विशेष टीम टायर करून आरोपी ऍगोस्टिनहो कार्व्हालो, (वय 40 वर्षे रा/ओ एच क्रमांक 53-ए, गोम्स वॉर्ड, माजोर्डा, साल्सेट, गोवा) या आरोपीला अटक करत त्याच्याकडून गुन्हा करण्यासाठी वापरलेली GA 11 J 0863 क्रमांकाची अ‍ॅक्टिव्हा स्कूटर पोलिसांनी जप्त केली.

घटनेचा पुढील तपास म्हापसा एसडीपीओ जिवबा दळवी आणि एसपी नॉर्थ बोस्युइट डिसिल्वा यांच्या देखरेखीखाली सुरू आहे.

Siolim Theft Case
Benaulim Accident: गॅस सिलिंडरची वाहतूक करणारा ट्रक बाणावली येथे उलटला, सुदैवाने जीवित हानी नाही

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com