Goa Crime: पोलिसांना विश्वसनीय सूत्रांकडून ही माहिती मिळाली होती. त्यानुसार पोलिसांनी फोंड्यातील सपना पार्क येथे 25 नोव्हेंबर रोजी रात्री साडे आठ ते रात्री सव्वा दहा या वेळेत छापा टाकला.
या वेळी विनय मुर्गेश हेब्बाळ (वय 25) याच्याकडून एक किलो गांजा जप्त करण्यात आला. या गांजाची बाजारातील किंमत एक लाख रूपये इतकी आहे. अवैधरित्या अमली पदार्थ बाळगल्याप्रकरणी पोलिसांनी त्यााल अटक केली आहे.
हेब्बाळ हा सध्या मेस्तावाडा, कुर्टी, फोंडा येथे वास्तव्यास होता. तो मूळचा विजापूर, कर्नाटक येथील आहे. फोंडा पोलिसांनी त्याच्याविरोधात एनडीपीएस अॅक्ट 1985 सह इतर कलमांखाली गुन्हा दाखल केला आहे.
फोंडा पोलिस स्टेशनचे पोलिस उप निरीक्षक आदित्य वेळीप यांच्या नेतृत्वाखाली पोलिसांनी हा छापा टाकला होता.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
