Goa Illegal Gambling Case: गुरुवारी कळंगुट बार्देश येथील एका अपार्टमेंटमध्ये चालणाऱ्या एका सट्टेबाजीवर पोलिसांनी कारवाई केलीय. याप्रकरणी प्रजीश (वय 36 वर्षे, रा. कुंदापुरा, उडुपी, कर्नाटक) आणि सुमन हर्षित, (वय 26 वर्ष, रा. शेषंब कंपाउंड, मंगलोर, कर्नाटक) या कर्नाटकच्या दोघांना पोलिसांनी ताब्यात घेतल्याची प्राथमिक माहिती प्राप्त झालीय.
भारत आणि बांगलादेश यांच्यात चालू असलेल्या ICC क्रिकेट विश्वचषक सामन्यात सट्टा लावून मोबाईल फोन आणि लॅपटॉप वापरून जुगार खेळताना या दोघांना पोलिसांनी रंगेहाथ पकडले. त्यांच्या ताब्यातून 08 मोबाईल फोन, 01 लॅपटॉप आणि एक टेलिव्हिजन संच जप्त करण्यात आला.
ताब्यात घेलेल्या सर्व मुद्देमालाची रक्कम अंदाजे 1,50,000/- असल्याची माहिती मिळाली आहे. पुढील तपास कळंगुट पीएसआय राजाराम बागकर यांच्या देखरेखीखाली पीआय परेश नाईक आणि पर्वरीचे एसडीपीओ विश्वेश कर्पे करत आहेत.
गोव्यात गुन्हेगारीच्या घटनांना ऊत आला असून चोरी, दरोडा, मारहाण अशा गंभीर स्वरूपाच्या गुन्ह्यांसोबतच जुगार, मटक्या सारखे अवैध प्रकारही वाढत आहेत.
सध्या क्रिकेटचे सामने सुरु असून देशभरात या सामन्यांवर सट्टेबाजीचे प्रकार सुरु झाल्याने पोलीस यंत्रणा अशा घटनांना आळा घालण्यासाठी सतर्कतेने काम करत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.