Azad Maidan : पणजी, आझाद मैदान हे गोवा मुक्तीसाठी आपल्या प्राणांची आहुती दिलेल्या स्वातंत्र्यसैनिकांच्या स्मरणार्थ उभारलेले स्मारक आहे. परंतु या स्मारकाचे ज्या स्वरूपात पावित्र्य राखले गेले पाहिजे त्या पद्धतीने राखले जात नाही, ही शोकांतिका आहे.
अनेक परप्रांतीय मद्यपी या स्मारकात झोपलेले आढळतात, अनेक ठिकाणी अस्ताव्यस्तपणे मद्याच्या बाटल्या टाकलेल्या आढळतात.
अनेकजण परप्रांतीय आपले कपडेदेखील येथे वाळत घालतात. मोठ्या प्रमाणात कचरादेखील या ठिकाणी पाहायला मिळतो. पणजीच्या मध्यभागी आणि पोलिस मुख्यालयासमोरच्या स्मारकात चाललेल्या या अंदाधुंदीकडे प्रशासनाचे लक्ष का जात नाही?
असा सवाल केला जात आहे. आझाद मैदानावर मनपाकडून सफाई केली जाते; परंतु त्यातही अडसर केला जातो.
स्मारकाचे पावित्र्य जपावे
देश-विदेशातील महनीय व्यक्ती या ठिकाणी गोव्याच्या मुक्तीसाठी वंदन करण्यासाठी येथे येतात. गोमंतकाला परकीय राजवटीतून मुक्त करण्यासाठी आपल्या प्राणांची आहुती दिलेल्या महावीरांना स्मरणात उभारलेल्या या स्मारकाचे पावित्र्य जपणे गरजेचे आहे.
अनुचित कृत्य रोखावे
या स्मारकाच्या आवारात कोणत्याही प्रकारचे अपकृत्य घडू नये यासाठी तसेच स्मारकाचे प्रावित्र्य अबाधित राखण्यासाठी सरकारने येथे एक कायमस्वरूपी पोलिस कर्मचारी नेमणे गरजेचे आहे.
त्यासोबत अशाप्रकारचे अनुचित कृत्य करणाऱ्यांवर कठोर कारवाई करणे गरजेचे आहे.वाळपई : नगरपालिकेच्या प्रशासकीय इमारतीमधील गाळे लिलावात काढण्यात आलेले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.