Touts in Goa: सोळा दलालांसह पाच भाडेकरूंना अटक; किनारपट्टीवरील गुन्हेगारी घटनांप्रकरणी पोलिसांची कारवाई

Touts in Goa:: कळंगुट किनाऱ्यावर उतरणाऱ्या देशी तसेच विदेशी पर्यटकांना मुली तसेच अमली पदार्थ पुरविण्याचे आमिष दाखवून त्यांना हजारो रुपयांना लुटणाऱ्या सोळा दलालांना बुधवारी कळंगुट पोलिसांनी ताब्यात घेतले.

तसेच ओळखीचा पुरावा पोलिसांना सादर करू न शकल्याने 5 भाडेकरूंना पर्वरी पोलिसांनी अटक केली.

आज पकडलेल्या दलालांना पोलिसांनी पर्यटन खात्याच्या संचालकांसमोर हजर केले असता सक्त ताकीद देत त्यांना ऐंशी हजारांचा दंड ठोठावण्यात आला.

ओळख पटविण्यात दर्शविली असमर्थता

पर्वरी : हाळीवाडा-बिठ्ठोण येथे पर्वरी पोलिसांनी भाडेकरूंकडे ओळखीचे पुरावे मागितले. मात्र, ते देऊ न शकल्याने पोलिसांनी पाच भाडेकरूंना अटक केली, तर 18 जणांना ताब्यात घेतले आहे.

पर्वरी पोलिसांनी गुन्हेगारी पार्श्वभूमी व अवैधरित्या स्थलांतरित तसेच गुन्ह्यात अडकलेल्यांचा शोध घेण्याची मोहीम सुरू केली आहे. भाडेकरूंकडे ओळखपत्र असणे अनिवार्य आहे. तसेच घरमालकांकडे त्यांची माहिती असणे गरजेचे आहे.