आसगाव येथील आगरवाडेकर कुटुंबीयांचे घर मोडतोड प्रकरणातील मुख्य संशयित पूजा शर्माला समन्स बजावण्यात आला आहे. क्राईम ब्रँचच्या 'एसआयटी' ने एक जुलै रोजी चौकशीसाठी हजर राहण्यासाठी समन्स बजावले आहे, अशी माहिती क्राईम ब्रँचचे अधीक्षक राहुल गुप्ता यांनी दिली.
दुसरीकडे प्रकरणामुळे अडचणीत सापडलेले पोलिस महासंचालक जसपाल सिंग यांची बदली होण्याची दाट शक्यता निर्माण झाली आहे.
पोलिस महासंचालक जसपाल सिंग यांच्या बदलीबाबत राज्य सरकारकडून हालचालींना वेग आला असून, याबाबतचा अहवाल केंद्राला पाठविण्यात आला आहे. महासंचालक पदाचा अतिरिक्त भार राज्याचे तुरुंग पोलिस महानिरीक्षक ओमवीर सिंग बिष्णोई यांच्याकडे दिला जाण्याची शक्यता आहे.
यासाठी परदेशात असणाऱ्या ओमवीर सिंग बिष्णोई यांनी तात्काळ कर्तव्यावर हजर राहण्याचे आदेश देण्यात आले आहेत.
आसगाव येथील आगरवाडेकर कुटुंबीयांचे घर मोडतोडप्रकरणी हणजूण पोलिस स्थानकाचे पोलिस निरीक्षक प्रशल नाईक देसाई यांचे निलंबन करण्यात आले आहे.
आता त्यांच्या जागी कळंगुटचे पोलिस निरीक्षक परेश नाईक यांच्याकडे हणजूण पोलिस स्थानकाचा ताबा देण्यात आला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
