पणजी: होंडा येथे बेकायदेशीरपणे सुरू असलेल्या जुगार अड्ड्यावर गोवा पोलिसांच्या गुन्हे शाखेने टाकलेल्या छाप्यात एकूण ९ जणांना अटक करण्यात आली आहे. त्यांच्याकडून ५२,३०० रुपयांची रोकड जप्त करण्यात आली.
या प्रकरणात मुख्य संशयित आणि अड्डा चालवणारा सूर्या पांडुरंग गावकर (वय ४०, होंडा) याच्यासह अन्य आठ जणांना अटक करण्यात आली आहे. अटक करण्यात आलेल्यांमध्ये गोपाळ गावकर (४३, सालेली), गुंडू गावकर (५१, होंडा), दिनेश नाईक (४०, सालेली), राजाराम गावडे (६१, पिसुर्ले), मनोहर गावकर (६२, होंडा), रमेश चारी (५४, होंडा), पांडुरंग गावकर (५०, होंडा) आणि सुनील गोड्याळकर (२४, होंडा) यांचा समावेश आहे.
पोलीस अधीक्षक जिवबा दळवी यांनी दिलेल्या माहितीनुसार, हे सर्व संशयित ‘अंदर-बाहर’ नावाचा पत्त्यांचा जुगार खेळत असताना रंगेहात पकडले गेले. पोलिसांनी रोख रकमेसह जुगाराचे साहित्यही जप्त केले आहे.
दरम्यान, याप्रकरणी गोवा, दमण आणि दीव सार्वजनिक जुगार प्रतिबंधक कायद्याच्या कलम ३ आणि ४ अंतर्गत गुन्हा नोंदवण्यात आला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.