Goa Crime: कोलवाळ येथे दुचाकीवरून चाललेल्या एका तरूण कपलला तिघा जणांनी दमदाटी करत जबर मारहाण केल्याचा प्रकार समोर आला आहे. मारहाण करणारे तिघेही आरोपी सध्या फरार आहेत.
या बाबत कोलवाळ पोलिसांत गुन्हा दाखल झाला आहे. पोलिस तिन्ही फरारी आरोपींचा शोध घेत आहेत. दरम्यान, या मारहाणीत हे तरूण दाम्पत्य जखमी झाले आहे. म्हापसा जिल्हा रूग्णालयात त्यांच्यावर उपचार सुरू आहेत.
याबाबत मारहाण झालेल्या पीडीत युवतीने तक्रार दिली. त्यावरून पंकज सडेकर, पंकज साळगावकर व देवेंद्र तेमकर (सर्व रा. कोलवाळ) या तिघांविरोधात गुन्हा दाखल करण्यात आले आहे.
रोडरेजवरून ही घटना घडल्याचे सांगितले जात आहे. मारहाण झालेली युवती म्हापशात काम करते. तर तिचा मित्र सरकारी कर्मचारी तो पणजीत असतो. हे दोघेही पीर्ण येथील रहिवासी आहेत.
कामावरून हे दोघेही घरी जात होते. श्रीराम मंदिरासमोर शनिवारी संध्याकाळी सव्वासातत्या सुमारास ही घटना घडली आहे. संशयितांनी स्वतःची कार रस्त्यावर या दुचाकीस्वार तरूण दाम्पत्याच्या पुढे नेऊन आडवी लावली.
त्यामुळे त्यांना दुचाकी थांबवावी लागली. त्यावेळी बाचाबाची सुरू झाली. त्यानंतर शिवीगाळ करत तिघांनीही दाम्पत्याला मारहाण केली आणि तिथून पसार झाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
