Goa Crime: धक्कादायक! सात वर्षीय मुलीवर कारमध्ये लैंगिक अत्याचार, 47 वर्षीय आरोपीला अटक; डिचोली पोलिसांची कारवाई

डिचोली: डिचोलीत एका सात वर्षीय अल्पवयीन बालिकेवर एका ४७ वर्षीय व्यक्तीने कारमध्ये लैंगिक अत्याचार केल्याची धक्कादायक घटना उघडकीस आली आहे. या प्रकरणी डिचोली पोलिसांनी तत्काळ कारवाई करत, वेळगे येथील संशयित आरोपी सत्यवान गावकर याला अटक केली आहे.

पोलिसांनी दिलेल्या माहितीनुसार, संशयित आरोपी सत्यवान गावकर (वय ४७) याने अल्पवयीन बालिकेवर अत्याचार केला. पोलिसांनी घटनेनंतर तातडीने तपास सुरू केला आणि आरोपीला अटक केली.

गुन्हा करण्यासाठी वापरलेली कार देखील डिचोली पोलिसांनी जप्त केली आहे. पोलिसांनी या प्रकरणी योग्य कलमांखाली गुन्हा दाखल केला असून, पुढील तपास सुरू केला आहे.

याआधी, एका १७ वर्षीय अल्पवयीन मुलीला फूस लावून पळवून नेऊन तिच्यावर लैंगिक अत्याचार केल्याच्या प्रकरणी डिचोली पोलिसांनी महाराष्ट्रातील कणकवली येथील एका १९ वर्षीय युवकाला अटक केली होती. पोलिसांनी या प्रकरणाचा तपास वेगानं करत अवघ्या २४ तासांत पीडित मुलीची सुखरूप सुटका केली होती.