Goa Crime News: प्रणव फडते प्राणघातक हल्ला प्रकरण! दोघे अटकेत; म्हापसा पोलिसांची कारवाई

Goa Crime News: गोळजुवे, खोर्जुवे-हळदोणा येथे प्रणव फडते (23) याच्यावर झालेल्‍या प्राणघातक हल्लाप्रकरणातील दोघा संशयितांना म्हापसा पोलिसांनी आज सोमवारी अटक केली.

दिगंत नाईक (24, पिलार-तिसवाडी) व उस्मान खान (29, आगशी-तिसवाडी) अशी संशयितांची नावे आहेत.

सदर घटना दि. 14 फेब्रुवारी रात्री उशिरा घडली होती. संशयित हे कारमधून (जीए 07 के 5363) आले होते. त्यातील एकाने प्रवण याच्यावर सुरीने हल्ला केला.

तो वार अडविण्यासाठी प्रवणने आपले हात पुढे केले असता, त्याच्या दोन्ही हातांना घाव लागून तो गंभीर जखमी झाला. हल्‍ल्‍यानंतर मागील पाच दिवस संशयित फरार होते.

संशयितांना पकडण्यात पोलिस उपनिरीक्षक बाबलो परब, विराज कोरगावकर, यशवंत मांद्रेकर, हेड कॉन्स्टेबल सुशांत चोपडेकर, सिद्ध कांबळी, विनय हिरोजी, प्रकाश पोळेकर, राजेश कांदोळकर, नितेश नाईक यांनी कामगिरी पार पाडली.

म्हापसा पोलिसांनी संशयितांविरोधात भादंसंच्या कलम 326, 504 (2) व 34 अन्वये गुन्हा दाखल केला आहे. पुढील तपास निरीक्षक निखील पालेकर यांच्या मार्गदर्शनाखाली सुरू आहे.