C. K. Nayudu Cricket: राजस्थानचा 23 वर्षांखालील संघ कर्नल सी. के. नायडू करंडक क्रिकेट सामन्यात वर्चस्वाच्या दिशेने कूच करत असताना गोव्याच्या गोलंदाजांनी कमाल केली, त्यामुळे त्यांना दहा धावांची निसटती, पण महत्त्वपूर्ण आघाडी मिळाली.
सांगे येथील जीसीए मैदानावर सामन्याच्या दुसऱ्या दिवशी सोमवारी राजस्थानने अखेरच्या 7 विकेट 49 धावांत गमावल्या. त्यामुळे गोव्याच्या पहिल्या डावातील २१९ धावांना उत्तर देताना राजस्थानचा डाव 209 धावांत आटोपला.
त्यांची तीन बाद १६० वरून दाणादाण उडाली. गोव्यातर्फे लखमेश पावणे व राहुल मेहता यांनी प्रत्येकी तीन, तर शुभम तारी व सनिकेत पालकर यांनी प्रत्येकी दोन गडी बाद केले.
गोव्याचा डाव पहिल्या दिवशीच्या ७ बाद २०२ धावांवरून सोमवारी सकाळी २१९ धावांत संपुष्टात आला. नंतर २ बाद १७ वरून राजस्थानला सावरताना अंशुल गढवाल (५४) व राज शर्मा (६०) यांनी तिसऱ्या विकेटसाठी ८६ धावांची भागीदारी केली.
नंतर राज व करण लांबा (४१) यांनी चौथ्या विकेटसाठी ५७ धावांची भागीदारी केल्यानंतर राजस्थानचा डाव गडगडला.
संक्षिप्त धावफलक
गोवा, पहिला डाव (७ बाद २०२ वरुन): १००.१ षटकांत सर्वबाद २१९ (सनिकेत पालकर १६, लखमेश पावणे १६, शुभम तारी ४, अनिमेश प्रभुदेसाई नाबाद ०, सलाऊदीन ४-५२, राहुल चौधरी ३-३८, हिमांशू नेहरा २-३४) व दुसरा डाव ः १ षटकात बिनबाद ०.
राजस्थान, पहिला डाव: ६७ षटकांत सर्वबाद २०९ (अंशुल गढवाल ५४, राज शर्मा ६०, करण लांबा ४१, मोहित चांगरा १५, मुकुल चौधरी १६, शुभम तारी १६-३-४८-२, लखमेश पावणे १२-३-३८-३, सनिकेत पालकर ८-१-२२-२, अभिनव तेजराणा २-०-५-०, राहुल मेहता १९-२-५४-३, अनिमेश प्रभुदेसाई ९-०-३७-०, कौशल हट्टंगडी १-०-४-०).
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.