Goa Court: दाबोळी विमानतळावरून ओमानमध्ये चरस तस्करीचा प्रयत्न करणाऱ्यास 10 वर्षांचा तुरूंगवास

Dabolim Airport: ओमान या देशात जाण्यासाठी दाबोळी आंतरराष्ट्रीय विमानतळावरून साडे तीन किलो चरस वाहून नेण्याचा प्रयत्न करताना पकडलेल्या शरीफ शेख या पाळी डिचोली या आरोपीला दक्षिण गोव्याचे प्रधान सत्र न्यायाधीश इर्शाद आगा यांनी दोषी ठरवून 10 वर्षांच्या कैदेची शिक्षा सुनावली.

या शिवाय या आरोपीला 1 लाख रुपयांचा दंड ठोठवण्यात आला असून हा दंड एन भरल्यास सहा महिन्यांची अतिरिक्त कैद सुनावण्यात आली आहे.

या आरोपीवरील गुन्हा विशेष सरकारी वकील प्रियश मडकईकर यांनी सात साक्षीदारांना न्यायालयासमोर पेश करून सिद्ध केला. नार्कोटिक कंट्रोल ब्यूरोचे तपास अधिकारी हरकेश यांनी या प्रकरणी संपूर्ण तपास केला होता.

14 जानेवारी 2019 रोजी हा प्रकार उघडकीस आला होता. दाबोळीहून ओमानला जात असताना आंतरराष्ट्रीय विभागात त्याच्या बॅगेची तपासणी केली असता त्यात चरस असलेली 10 पाकिटे लपवून ठेवल्याचे सापडून आले होते.