Goa Corona Updates: नऊ बाधित, तर सहा रुग्ण बरे

पणजी: कोरोनाची तिसरी लाट आता ओसरली आहे. आज कोरोना संक्रमणाचा दरही 0.61 टक्के इतका खाली आला. सक्रिय रुग्णांची संख्या 37 इतकी झाली आहे. तर गेल्या 24 तासांत केवळ नवे 9 बाधित रुग्ण सापडले आहेत. राज्यात आतापर्यंत 2 लाख 45 हजार 276 नागरिकांना कोरोनाची बाधा झाली असून यापैकी 2 लाख 41 हजार 409 रुग्ण बरे झाले.

हे रुग्ण बरे होण्याचे प्रमाण 98.42 टक्के इतके आहे. सध्या राज्यात 37 रुग्ण सक्रिय असून गेल्या 24 तासांत कोरोनामुळे कोणाचा मृत्यू झाला नसल्याने मृत्यूचा आकडा 3 हजार 830 वर कायम आहे. शनिवारी 1,463 संशयित रुग्णांच्या चाचण्या घेतल्या. त्यापैकी 9 जणांना कोरोनाची लागण झाल्याचे स्पष्ट झाले आहे. आज 6 जण कोरोनातून बरे झाले.