Goa Corona Update: गोव्यात मागील काही दिवसांपासून दोन ते तीन अंकी कोरोनाबाधित रूग्णांची वाढ होत आहे. वाढत्या रूग्णांच्या पार्श्वभूमीवर राज्यातील आरोग्य यंत्रणा सतर्क झाली आहे. तसेच, राज्यात होणाऱ्या G20 शिखर परिषदेच्या पार्श्वभूमीवर अधिक काळजी घेतली जात आहे.
दरम्यान, शनिवारी (दि.15) राज्यात नव्याने वाढ झालेल्या कोरोना बाधित रूग्णांपेक्षा बरे झालेल्यांची संख्या अधिक आहे.
राज्याच्या आरोग्य विभागाच्या वतीने सायंकाळी राज्यातील कोरोना आकडेवारीचा अहवाल प्रसिद्ध केला. अहवालानुसार, राज्यात शनिवारी 369 नमुने तापासण्यात आले, त्यापैकी 31 सकारात्मक आले आहेत. तर, दिवसभरात 63 कोरोनामुक्तांना डिस्चार्ज देण्यात आला आहे. दिलासादायक बाब म्हणजे आज नव्याने कोणताही कोरोना रूग्ण दगावलेला नाही.
राज्याचा रिकव्हरी रेट सध्या 98.21 टक्के एवढा आहे. सध्याच्या घडीला राज्यात 658 सक्रिय कोरोना रूग्णांवर उपचार सुरू आहेत.
गोव्यात आजवर 02 लाख 61 हजार 495 जणांना कोरोनाची बाधा झाली असून, त्यापैकी 02 लाख 56 हजार 823 जण कोरोनामुक्त झाले आहेत. राज्यात आजवर 4 हजार 14 जणांचा कोरोनामुळे मृत्यू झाला आहे.
देशात 53,720 सक्रिय कोरोना रूग्ण
देशातील सक्रिय कोरोना रूग्णांची संख्या देखील वाढली असून, ती सध्या 53,720 एवढी आहे. गेल्या 24 तासांत 10,753 नव्या कोरोना बाधित रूग्णांची नोंद झाली असून, 6,628 कोरोनामुक्तांना डिस्चार्ज देण्यात आला आहे. देशाचा रिकव्हरी रेट सध्या 98.69 टक्के एवढा आहे.
देशात कोरोनाचा शिरकाव झाल्यापासून आजवर तब्बल 92.38 कोटी प्रयोगशाळा नमुने तपासण्यात आले आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.